मेष (चु, चे, चो, ला, लि, लु, ले, लो, अ)

स्वास्थ्यमा क्रमिक सुधार आउनेछ । कार्य क्षमतामा वृद्धि हुनुका साथै व्यापार तथा व्यवसायबाट अपेक्षाअनुसार लाभ प्राप्त हुने सम्भावना छ । वैदेशिक लगानी तथा अन्तर्राष्ट्रिय सम्पर्कबाट आर्थिक दायरा विस्तार हुन सक्छ । सामाजिक तथा परोपकारी कार्यमा सक्रियता बढ्दा प्रतिष्ठा र सम्मान प्राप्त हुनेछ ।

वृष (इ, उ, ए, ओ, बा, बि, बु, बे, बो)

स्वास्थ्य सामान्य रहनेछ । नियमित परिश्रम र इमानदार प्रयासले लक्ष्य प्राप्त गर्न सहज हुनेछ । भौतिक सम्पत्ति जोड्ने अवसर मिल्न सक्छ । शैक्षिक क्षेत्रमा उल्लेखनीय सफलता हात पर्नेछ । प्रेम सम्बन्धमा आत्मीयता र समझदारी बढ्दै जानेछ । पारिवारिक जीवनमा पनि स्थायित्व कायम रहनेछ ।

मिथुन (का, कि, कु, घ, ङ, छ, के, को, ह)

नयाँ स्थानको भ्रमणले मनमा उत्साह र ताजगी ल्याउनेछ । पुराना मित्रसँगको भेटघाटले भावनात्मक सन्तुलन कायम गर्न सहयोग पुर्‍याउनेछ । स्वास्थ्यसम्बन्धी क्षेत्रमा गरिएको लगानी दीर्घकालीन रूपमा लाभदायक बन्न सक्छ । पारिवारिक विषयमा सामान्य मनमुटाव हुन सक्ने भएकाले संयमित भएर संवाद गर्नु उचित हुनेछ ।

कर्कट (हि, हु, हे, हो, डा, डि, डु, डे, डो)

अनावश्यक आरोप वा गलत बुझाइको सामना गर्नुपर्ने अवस्था आउन सक्छ । यस्तो समयमा धैर्य र विवेकका साथ अघि बढ्नु आवश्यक छ । राजनीतिक तथा सार्वजनिक गतिविधिमा विवाद हुन सक्ने भएकाले सजग रहनुहोला । सामाजिक क्षेत्रमा नयाँ लगानी तत्काल नगर्नु राम्रो हुनेछ। पारिवारिक सहयोग प्राप्त हुनेछ ।

सिंह (मा, मि, मु, मे, मो, टा, टि, टु, टे)

लामो समयदेखि रोकिएका काम पूरा हुने सम्भावना छ । यसले आत्मविश्वास बढाउनुका साथै सामाजिक प्रतिष्ठा र प्रभाव विस्तार गर्न सहयोग गर्नेछ । निर्णय लिने क्रममा भने केही अन्योल देखिन सक्छ । पारिवारिक विषयमा संयम अपनाउनुहोला । शैक्षिक क्षेत्रमा गरिएको लगानी लाभदायक बन्न सक्छ ।

कन्या (टो, प, पि, पु, ष, ण, ठ, पे, पो)

व्यावसायिक क्षेत्रमा लाभदायक अवसर प्राप्त हुनेछन् । शैक्षिक क्षेत्रमा उल्लेखनीय सफलता हात पर्नेछ, जसले भविष्यका सम्भावनालाई थप फराकिलो बनाउनेछ । मानसिक चञ्चलताका कारण अपेक्षाअनुसार सन्तुष्टि नमिल्न सक्छ । पारिवारिक भेटघाट तथा आपसी संवादले सम्बन्ध अझ सुमधुर बनाउनेछ ।

तुला (र, रि, रु, रे, रो, ता, ति, तु, ते)

वाक्चातुर्य, कूटनीतिक व्यवहार र सन्तुलित निर्णयले सकारात्मक परिणाम दिनेछ । समाजसेवा तथा परोपकारी कार्यमा सक्रियता बढ्नेछ, जसबाट सामाजिक प्रतिष्ठा बलियो बन्नेछ । वैदेशिक लगानीबाट लाभ प्राप्त हुने सम्भावना छ । स्वास्थ्यप्रति सचेत रहनुहोला । पारिवारिक सल्लाहअनुसार अघि बढ्दा सफलता मिल्नेछ ।

वृश्चिक (तो, ना, नि, नु, ने, नो, या, यि, यु)

मनमा अस्थिरता देखिनुका साथै काममा केही अवरोध आउन सक्छ । मानसिक शान्तिका लागि धार्मिक तथा आध्यात्मिक गतिविधिमा सहभागी हुनु लाभदायक हुनेछ । चुनौतीपूर्ण परिस्थितिमा परिवारको साथ र सहयोग प्राप्त हुनेछ । पारिवारिक समर्थनले कठिनाइ पार गर्न सहज बनाउनेछ ।

धनु (ये, यो, भ, भि, भु, ध, फा, ढ, भे)

दिन उत्साहपूर्ण र उपलब्धिमूलक रहनेछ । साथीभाइ तथा सहकर्मीको सहयोगमा रोकिएका काम पूरा हुनेछन् । शैक्षिक क्षेत्रमा प्रगति हुनुका साथै स्वास्थ्यमा सुधार आउनेछ । पारिवारिक संवेदनशील विषयमा भने सजग रहनुहोला । सामाजिक गतिविधिमा सक्रिय सहभागिताले आत्मबल बढाउनेछ ।

मकर (भो, ज, जि, खि, खु, खे, खो, गा, गि)

उठ्नुपर्ने रकम प्राप्त हुने सम्भावना छ । यसले आर्थिक सन्तुलन कायम गर्न सहयोग पुर्‍याउनेछ । विगतमा गरिएको परिश्रमको राम्रो प्रतिफल प्राप्त हुनेछ । मानसिक शान्ति कायम रहनेछ । अप्रत्याशित रूपमा पुराना साथीहरूसँग भेटघाट हुँदा मनमा खुसी र उत्साह बढ्नेछ ।

कुम्भ (गु, गे, गो, सा, सि, सु, से, सो, द)

बोल्दा विशेष सावधानी अपनाउनुहोला । असंयमित वाणीका कारण अनावश्यक विवाद वा आरोपको सामना गर्नुपर्ने अवस्था आउन सक्छ । मानसिक अशान्ति कम गर्न ध्यान, योग तथा धार्मिक गतिविधिमा सहभागी हुनु लाभदायक हुनेछ । कार्य क्षेत्रमा धैर्य र अनुशासनका साथ अघि बढ्दा क्रमिक सुधार आउनेछ ।

मीन (दि, दु, थ, झ, ञ, दे, दो, च, चि)
खर्चमा नियन्त्रण कायम राख्न सकिनेछ । यसले भविष्यमा लगानीका लागि उपयुक्त अवसर पहिचान गर्न सहयोग गर्नेछ । राजनीतिक तथा प्रशासनिक क्षेत्रमा सक्रिय व्यक्तिहरूले विशेष अवसर प्राप्त गर्न सक्छन् । शिक्षा तथा ज्ञानसम्बन्धी पेशाबाट राम्रो आम्दानी हुने सम्भावना छ । दीर्घकालीन योजना बनाउन समय अनुकूल रहनेछ ।