काठमाडौँ, भदौ २९ गते  ।

राष्ट्रपति रामचन्द्र पौडेलले हरितालिका (तिज) पर्व र राष्ट्रिय बालदिवस–२०८३ को पावन अवसरमा स्वदेश तथा विदेशमा रहनुभएका सम्पूर्ण नेपालीमा सुख, शान्ति, समृद्धि र सुस्वास्थ्यका लागि शुभकामना व्यक्त गर्नुभएको छ । राष्ट्रपतिको कार्यालयबाट जारी शुभकामना सन्देशमा राष्ट्रपति पौडेलले हरितालिका (तिज) ले महिलाविरुद्ध हुन सक्ने सबै प्रकारका भेदभाव, हिंसाजन्य कार्य तथा अन्याय अन्त्य गरी सभ्य र समतामूलक समाज निर्माणमा उत्साह प्रदान गर्ने विश्वास व्यक्त गर्नुभएको छ ।

भाद्र शुक्ल द्वितीयादेखि पञ्चमीसम्म मनाइने तिज पर्व नेपाली महिलाहरूको सांस्कृतिक र सामाजिक ऐक्यबद्धताको प्रतीक भएको उल्लेख गर्दै राष्ट्रपति पौडेलले यस्ता मौलिकताको संरक्षण र प्रवर्धन गर्नु सबैको कर्तव्य भएको बताउनुभएको छ । त्यसै गरी राष्ट्रिय बालदिवस–२०८३ को अवसरमा  छुट्टै शुभकामना सन्देश जारी गर्दै राष्ट्रपति पौडेलले बालबालिकामाथि हुने सबै किसिमका अमानवीय व्यवहार, हिंसा र दुव्र्यवहार रोक्नु सबै सरोकारवालाको दायित्व भएको उल्लेख गर्नुभएको छ ।