पर्यटक भिसामा साउदी अरब जाने यात्रुले हजको समयमा हज र उमराह गर्न नपाउने भएका छन् । हज र उमराह मन्त्रालयले पर्यटक भिसा भएका व्यक्तिहरूलाई हजको समयमा हज र उमराह गर्न अनुमति नदिने जनाएको हो। ९० दिने पर्यटक भिसा भएका व्यक्तिहरूलाई मात्र उमराह गर्न अनुमति दिइन्छ तर हज अवधिमा उनीहरूले त्यसो गर्न सक्ने छैनन्। यसैबीच साउदी अरेबियाले सोमबार मक्का प्रवेशका लागि सवारी साधन र व्यक्ति दुवैलाई अनुमति आवश्यक पर्ने नियम बनाएको छ । मक्कामा जुन २६ बाट हजयात्रा सुरु हुने सम्भावना छ । यो मिति पनि परिवर्तन हुन सक्छ किनकि यो आधिकारिक रूपमा घोषणा गरिएको छैन। साउदी अरबले प्रत्येक देश अनुसार हज कोटा तयार गर्दछ। इन्डोनेसियामा सबैभन्दा बढी कोटा छ। त्यसपछि पाकिस्तान, भारत, बंगलादेश, नाइजेरियाको नम्बर आउँछ। यसबाहेक इरान, टर्की, इजिप्ट, इथियोपिया लगायतका देशबाट हजयात्री आउने गर्दछन् ।