काठमाडौँ , साउन २४

गोकर्णेश्वर नगरपालिकाले नगरवासीको स्वास्थ्यमा नि: शुल्क आँखा जाँच शिविर सञ्चालन गर्ने भएको छ।

हाल देशव्यापी रुपमा फैलिएको आँखासम्बन्धी रोगका कारण जनस्वास्थ्यमा प्रतिकुल असर परिरहेकोले उक्त रोगको समस्या गोकर्णेश्वर नगरपालिकाका जनतामा पनि देखिएको छ ।

आँखा पाक्ने रोग नियन्त्रण गर्नका लागि नगरपालिकाद्वारा संचालित गोकर्णेश्वर नगरपालिका वडा नम्बर ४ मा रहेको नगर अस्पतालमा गोकर्णेश्वर नगरबासीका लागि निशुल्क आँखा जाँच र औषधि वितरण गर्ने गोकर्णेश्वर नगरपालिका प्रबक्ता नारायण बहादुर सुवेदीले बताउनुभयो ।

आँखा जाँच कार्यक्रम गोकर्णेश्वर नगर अस्पतालमा मिति २०८० साल ४ महिना २५ गते समय बिहान ८ बजेदेखि अपराह्न ३ बजे सम्म आँखा पाक्ने रोग नियन्त्रण नहुन्जेल सार्वजनिक विदाका दिनमा समेत सेवा प्रदानगर्ने गोकर्णेश्वर नगरपालिका वडा नम्बर ५ का अध्यक्ष तथा गोकर्णेश्वर नगरपालिकाका प्रबक्ता नारायण बहादुर सुवेदीले जानकारी दिनुभयो।