असार ३१, काठमाडौ । नेपाल ट्रेड युनियन कांग्रेसले श्रमिकको न्यूनतम पारिश्रमिक २५ हजार तोक्न माग राख्दै माइतीघर मण्डलादेखी बानेश्वरसम्म प्रदर्शन गरेका छन् ।नीतिनिर्माण तहमा श्रमिक प्रतिनिधित्व हुनुपर्ने यसैगरी श्रम आयोग गठन हुनुपर्ने ,  अनौपचारिक तथा स्वरोजगार श्रमिकलाई सामाजिक सुरक्षामा जोड्नुपर्ने र श्रमिकलाई स्थानीय तहमा पञ्जिकरण गर्न समेत माग गरेका छन् ।

आइतबार माइतीघर मन्डलादेखि बानेश्वरसम्म प्रदर्शन गरि सभा समेत गरेका थिए । अहिलेको बढ्दो महँगीमा श्रमिकको पारिश्रमिक २५ हजार नभए श्रमिकको गुजारा नचल्ने भन्दै विगत केही समयदेखि दबाबमुलक कार्यक्रम गर्दै आईरहेको छ । आजै श्रम मन्त्रीलाई भेटेर ज्ञापनपत्र बुझाएको ट्रेड युनियन कांग्रेसका महासचिव अजयकुमार राईले जानकारी दिएका छन् ।