alliance khabar

बुधबार, मंसिर १०, २०८२

काठमाडौँ, मङ्सिर १० गते ।

रन्जिक कुमार एक्लैले पाँच विकेट लिएपछि नेपाल प्रिमियर लिग (एनपिएल) मा विराटनगर किङ्सलाई चितवन राइनोजको नमिठो झट्का लागेको छ ।

त्रिभुवन विश्वविद्यालय अन्तर्राष्ट्रिय क्रिकेट रङ्गशालामा बुधबार भएको खेलमा चितवन राइनोजले विराटनगर किङ्सलाई ४८ रनले हरायो । विराटनगरको अपराजित यात्रामा बाधक बनेसँगै दोस्रो जित निकालेको चितवनले प्लेअफ पुग्ने सम्भावना कायम राखेको छ ।

जितका लागि एक सय ७५ रनको चुनौतीपूर्ण लक्ष्य पछ्याएको विराटनगर १६.५ ओभरमा सबै विकेटको क्षतिमा एक सय २६ रनमा समेटियो । विराटनगरका लागि मर्सेन्ट डे लन्जले सर्वाधिक ३९ रन बनाउनुभयो । यस्तै  प्रतिश जिसीले ३० र साम हिजलेटले २२ रन बनाउनुभयो ।

विराटनगरलाई स्तब्ध बनाउन बलिङमा चितवनका रन्जित कुमारले पाँच विकट लिनुभयो । उहाँले चार ओभरमा २१ रन खर्चिएर विकेट लिनुभएको हो । रन्जित जारी एनपिएलको एउटै खेलमा सर्वाधिक पाँच विकेट लिने खेलाडी पनि बन्नुभएको छ ।

रन्जित प्लेयर अफ दि म्याच बन्नुभयो । यस्तै कमल ऐरीले दुई तथा सोहिल तन्वीर, सैफ जईव र कप्तान कुशल मल्लले एक एक विकेट लिनुभयो ।

यसअघि टस हारेर पहिले ब्याटिङको निम्तो पाएको चितवनले निर्धारित २० ओभरमा पाँच विकेटको क्षतिमा एक सय ७४ रन बनाएको थियो । चितवनका लागि रवि बोपराले अर्धशतकीय पालि खेल्नुभयो । उहाँले ३८ बलमा तीन चौका र चार छक्काको सहोगमा सर्वाधिक ६५ रन बनाउनुभयो ।

यस्तै सैफ जईवले ३२, कप्तान कुशल मल्लले अविजित २०, देव खनालले २८ र डेविड मलनले १७ रन बनाउनुभयो । बलिङमा विराटनगरका कप्तान सन्दीप लामिछाने र मर्सेन्ट डे लन्जले दुई दुई तथा शुभम् रन्जनेले एक विकेट लिनुभयो ।

हारसँगै चार खेलबाट ६ अङ्क बनाएको विराटनगर दोस्रो स्थानमा छ । यस्तै तीन खेलमा दोस्रो जित निकालेको चितवनले चार अङ्क बनाएको छ । एनपिएलअन्तर्गत बिहीबार लुम्बिनी लायन्स र सुदूरपश्चिम रोयल्स तथा जनकपुर बोल्ट्स र पोखरा एभेन्जर्सबिच प्रतिस्पर्धा हुनेछ ।

तपाईको प्रतिक्रिया
सम्बन्धित खबरहरु
हाम्रो बारेमा

यो वेवसाइट एलायन्स खवर डट कम को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

सुचना विभाग द न ३९४४ २०७९ ८०
प्रेस काउन्सिल द न

  • थर्ड आई मिडिया नेटवर्क प्रा.ली. द्धारा सञ्चालित एलायन्स खवर डट कम
    गोकर्णेश्वर नगरपालिका वार्ड ५ जोरपाटीसमाचार शाखाः +977 9841580906
    बिज्ञापन शाखाः +977 9841580906
  • वेबसाइट: www.alliancekhabar.com
  • [email protected]
हाम्रो टिम

संरक्षक
सूर्य राज राई
सम्पादक
किशोर ढुङगेल