धनगढी, भदौ १५ गते ।

सुदूरपश्चिम प्रदेशका प्रदेश प्रमुख नजीर मियाँले यस प्रदेशमा विशेष महत्वका साथ परापूर्वकालदेखि मनाउँदै आएको गौरा पर्वले आपसी प्रेम, सदभावलाई प्रगाढ बनाउन महत्वपूर्ण भूमिका निर्वाह गरेको बताउनुभएको छ ।

गौरा पर्वको अवसरमा आज स्वदेश तथा विदेशमा रहेका सम्पूर्ण नेपालीहरुमा सुख, समृद्धि, उत्तरोत्तर प्रगति र सुस्वास्थ्य दीर्घायुको शुकामना दिनुहुँदै उहाँले यस्तो बताउनुभएको हो । प्रदेश प्रमुख मियाँले गौराले नेपालको मौलिक संस्कृति, परम्पराको संरक्षण, सम्वद्र्धन र विकासमा टेवा पु¥याउने कार्य गरिरहेको उल्लेख गर्नुभयो ।

हरेक वर्ष भाद्र शुक्लपञ्चमीदेखि अष्टमीसम्म मनाइने यो पर्वमा अष्टमीको दिन व्रत बसेर गौरा पर्व मनाउने स्थल गौरा खला (आँगन) मा पार्वती शिवको पूजापाठ गर्ने चलन रहेको उहाँको भनाइ छ ।

प्रदेश प्रमुख मियाँले यस पर्वको अवसरमा स्थानीयहरुले देउडा, धमारी र ढुस्को खेल्दै रमाइलो गर्ने चलन रहेको बताउनुभयो । घर परिवारबाट टाढा रहेका आफन्तहरुसमेत पर्व मनाउन आफ्नो घर फर्किने भएकाले पारिवारिक मिलनमा पनि यो पर्वले विशेष महत्व राख्ने गरेको उहाँको भनाइ छ ।

गौरा पर्वले सामाजिक सदभावसहित सम्पूर्ण नेपालीहरुबिच भावनात्मक एकता र आपसी भाइचारा अभिवृद्धि गर्दै नयाँ उमङ्ग र हौसलाको साथ मुलुकको प्रगतिमा अग्रसर हुने प्रेरणा प्रदान गरोस् भन्ने अपेक्षासहित उहाँले शुभकामना व्यक्त गर्नुभएको छ ।