२४ भाद्र २०८३, बुधबार
alliance khabar
गाईघाट, भदौ २४ गते ।
नेपाल पत्रकार महासंघ उदयपुर जिल्ला शाखाका संस्थापक सचिव तथा पत्रकार बद्रीप्रसाद काफ्लेको बुधबार बिहान निधन भएको छ। त्रियुगा नगरपालिका–११, गाईघाटस्थित समता टोलमा रहेको आफ्नै निवासमा उहाँको निधन भएको हो।
काफ्लेको निधनप्रति नेपाल पत्रकार महासंघ उदयपुरले दुःख व्यक्त गर्दै शोक वक्तव्य जारी गरेको छ। उहाँ २०४९ सालमा नेपाल पत्रकार महासंघ उदयपुर शाखा गठन हुँदा संस्थापक सचिवको जिम्मेवारीमा रहनुभएको थियो।
काफ्लेले तत्कालीन समयमा ‘त्रियुगा अर्धसाप्ताहिक’ नामक पत्रिका प्रकाशन गरी पत्रकारितामा योगदान पुर्याउनुभएको थियो। उहाँ विगत एक वर्षदेखि गम्भीर बिरामी भई अचेत अवस्थामा रहनुभएको थियो। स्वर्गीय काफ्लेका श्रीमती, दुई छोरा र दुई छोरी हुनुहुन्छ।
१.
२.
३.
