गुल्मी, भदौ १३ गते ।

 गुल्मीमा कालिगण्डकी करिडोरसहित दुई सडक अवरुद्ध भएका छन् । वर्षाका करण यस जिल्लाको कालिगण्डकी गाउँपालिका वडा नम्बर–२, राक्सेमा पहिरो खसेर सडक पूर्ण रुपमा अवरुद्ध भएको छ ।

शुक्रबार बिहान करिब ६ः२५बजेको समयदेखि कालिगण्डकी करिडोरको गुल्मी खण्ड पहिरोका कारण पूर्णरुपमा अवरुद्ध भएको जिल्ला प्रहरी कार्यालय गल्मीले जनाएको छ । त्यस्तै, वर्षाका कारण रिडी–वामी सडक अवरुद्ध भएको छ ।

यस जिल्लाको सत्यवती गाउँपालिका वडा नम्बर–६, अन्तर्गतको रिडी–वामी सडक खण्डमा पर्ने डहरे खोलामा पानीको बहाव बढ्दै गएको हुँदा आज बिहान ५ः५० बजेको समयदेखि सडक अवरुद्ध छ ।

दुवै स्थानको अवरुद्ध सडक खुलाउनका लागि प्रहरी टोली खटिएको जिल्ला प्रहरी कार्यालय गुलमीका सूचना अधिकारी एवम् प्रहरी नायब उपरीक्षक (डिएसपी) गङ्गाबहादुर सारुले जानकरी दिए ।