स्याङ्जा, भदौ १० गते ।

स्याङ्जामा बुधबार तीन वटा नगर पालिकामा सार्वजनिक बिदा दिइएको छ । ईस्लाम धर्मका संस्थापक एवं प्रवद्र्धक पैगम्बर मोहम्मद मुस्तफा सल्लल्हाहु अलैहे ओसल्लमको १५०१ औँ जन्म जयन्तीको अवसरमा यहाँका तीन पालिकामा सार्वजनिक बिदा दिइएको हो ।

यहाँका वालिङ, पुतलीबजार र भीरकोट नगरपालिकाले आज सार्वजनिक बिदा दिने निर्णय गरेका हुन् ।

पुतलीबजार नगरपालिकाको भदौ ४ गते, भीरकोटको भदौ ८ गते र वालिङको भदौ ९ गतेको कार्यपालिका बैठकको निर्णय अनुसार आज बिदा दिइएको हो ।

पुतलीबजार नगरप्रमुख तुलसाराम रेग्मी, गोविन्द कुमार कर्माचार्य र वालिङ नगरप्रमुख कृष्ण खाणँद्धारा हस्ताक्षर गरिएको विज्ञप्तिमा पालिका मातहका कार्यालय तथा निकायहरुमा सार्वजनिक बिदा दिने निर्णय गरिएको छ ।

विज्ञप्तिहरुमा मोहम्मद नगरपालिका र विश्वभर बसोवास गर्ने सम्पुर्ण मुस्लिम धर्मालम्वीहरुलाई शुभकामना समेत दिइएको छ ।