alliance khabar

आइतबार, मंसिर १४, २०८२

काठमाडौँ, मङ्सिर १४ गते ।

जेराल्ड इरसमस र जोन सिम्पसन चम्किएपछि काठमान्डु गोर्खाज नेपाल प्रिमियर लिग (एनपिएल) मा प्लेअफ पुग्ने सम्भावना बलियो बनाएको छ ।

त्रिवि क्रिकेट मैदान कीर्तिपुरमा आइतबार साँझ भएको खेलमा काठमान्डु कर्णाली याक्सलाई पाँच विकेटले हराउँदै प्लेअफ उन्मुख बनेको हो ।

जितसँगै लिगमा ६ खेल सकेको काठमान्डुको आठ अङ्क पुगेको छ । पराजित कर्णालीको प्लेअफ सम्भावना कमजोर बन्दै गएको छ । पाँच खेलमा चौथो हार खेपेको कर्णालीको दुई अङ्क छ ।

यस्तै दुई खेल अगावै प्लेअफमा स्थान बनाएको अपराजित सुदूरपश्चिम रोयल्स पाँच खेलबाट १० अङ्क जोड्दै शीर्षस्थानमा छ । दोस्रो स्थानमा रहेको विराटनगर किङ्सको पाँच खेलबाट आठ अङ्क छ ।

जितका लागि एक सय ५० रनको प्रतिस्पर्धात्मक लक्ष्य पछ्याएको काठमान्डुले १८ ओभरमा पाँच विकेटको क्षतिमा एक सय ५५ रन जोड्दै लक्ष्य पूरा गरेको हो ।

काठमान्डुका लागि जेराल्ड इरसमसले अविजित ४३ रन बनाउनुभयो । उहाँले ३३ बलमा दुई चौका दुई छक्का हान्नुभयो । जेराल्ड प्लेयर अफ दि म्याच बन्नुभयो ।

यस्तै जोन सिम्पसनले ४१, वेन चाल्सवर्थले ३४, मिलन्ड कुमारले १५, रन बनाउनुभयो । बलिङमा कर्णालीका नन्दन यादवले तीन तथा पवन सर्राफले एक विकेट लिनुभयो ।

यसअघि टस जितेर पहिले ब्याटिङ गरेको कर्णालीले निर्धारित २० ओभरमा सात विकेटको क्षतिमा एक सय ४९ रन बनाएको थियो ।

कर्णालीका लागि गुल्सन झा ४९ रनमा अविजित रहनुभयो । उहाँले २२ बलमा ६ चौका तीन छक्काको सहयोगमा उक्त रन बनाउनुभएको हो ।

यस्तै पवन सर्राफले ३५, मार्क वाटले ३०, निजिबुल्लाह जादरन र दीपक डुम्रेले १०/१० रन बनाउनुभयो । बलिङमा काठमाण्डुका रासिद खानले दुई तथा सन्तोष यादव, मिलन्ड कु्मार र कप्तान करण केसीले एक एक विकेट लिनुभयो ।

तपाईको प्रतिक्रिया
सम्बन्धित खबरहरु
हाम्रो बारेमा

यो वेवसाइट एलायन्स खवर डट कम को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

सुचना विभाग द न ३९४४ २०७९ ८०
प्रेस काउन्सिल द न

  • थर्ड आई मिडिया नेटवर्क प्रा.ली. द्धारा सञ्चालित एलायन्स खवर डट कम
    गोकर्णेश्वर नगरपालिका वार्ड ५ जोरपाटीसमाचार शाखाः +977 9841580906
    बिज्ञापन शाखाः +977 9841580906
  • वेबसाइट: www.alliancekhabar.com
  • [email protected]
हाम्रो टिम

संरक्षक
सूर्य राज राई
सम्पादक
किशोर ढुङगेल