alliance khabar

शुक्रबार, मंसिर १२, २०८२

सल्यान, मङ्सिर १२ गते ।

सल्यानमा ठुलो सङ्ख्यामा अवैध यात्रु ओसारपसार र अवैध उत्खननमा संलग्न सवारीसाधनहरु नियन्त्रणमा लिइएको छ । जिल्ला प्रहरी कार्यालय सल्यानले अवैध गतिविधिविरुद्ध कडाइ गर्दै ३१ वटा सवारीसाधन तथा मेसिनहरु नियन्त्रणमा लिएको हो ।

जिल्ला प्रहरी कार्यालय सल्यान, इलाका प्रहरी कार्यालय सितलपाटी, लुहाम, देवस्थल, अस्थायी प्रहरी पोस्ट बालुवा र बाबियाचौरबाट प्रहरी टोली खटिएको थियो । टोलीले रातो नम्बर प्लेट भएका बिद्युतीय गाडी (ईभी), जिप, डबल क्याब र डोजर गरी ३१वटा सवारीसाधन नियन्त्रणमा लिएको जिल्ला प्रहरी कार्यालय सल्यानले जनाएको छ ।

कार्यालयका अनुसार नियन्त्रणमा लिइएका सवारीसाधनहरुमा ईभी १३, जिप ८, डबल क्याब ८ र दुई वटा ठुला मेसिन रहेका छन् । यी सबै सवारीसाधन र मेसिन यात्रु ओसारपसारका नियम उल्लङ्घन गरी चलाइएको तथा अबैध उत्खननमा संलग्न रहेको जिल्ला प्रहरी कार्यालयको सञ्चार शाखाले जनाएको छ ।

शाखाका अनुसार जिल्लामा अवैध उत्खनन रोक्न गरिएको अनुगमनका क्रममा दुई वटा ठुला मेसिन र दुई जना चालक पनि पक्राउ परेका हुन् । शारदा नगरपालिका–१ रेशमज्युलास्थित शारदा नदीमा रा १ क १३६७ नम्बरको ब्याक हो लोडर प्रयोग गरी उत्खनन् भइरहेको थियो । चालक २८ वर्षीय सेतिलाल डाँगीलाई प्रहरीले पक्राउ गरेको हो ।

यसैगरी, सिद्धकुमाख गाउँपालिका–१ मोख्ला क्षेत्रमा बा १ क ५४३२ नम्बरको स्काभेटरले उत्खनन् गर्दै गरेको पाइएपछि स्काभेटर चालक २३ वर्षीय ललित खड्कालाई समेत नियन्त्रणमा लिइएको प्रहरीले जनाएको छ । प्रहरीका अनुसार नियन्त्रणमा रहेका सवारी साधन तथा चालकहरूमाथि आवश्यक कानुनी प्रक्रिया अघि बढाइएको छ ।

तपाईको प्रतिक्रिया
सम्बन्धित खबरहरु
हाम्रो बारेमा

यो वेवसाइट एलायन्स खवर डट कम को आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

सुचना विभाग द न ३९४४ २०७९ ८०
प्रेस काउन्सिल द न

  • थर्ड आई मिडिया नेटवर्क प्रा.ली. द्धारा सञ्चालित एलायन्स खवर डट कम
    गोकर्णेश्वर नगरपालिका वार्ड ५ जोरपाटीसमाचार शाखाः +977 9841580906
    बिज्ञापन शाखाः +977 9841580906
  • वेबसाइट: www.alliancekhabar.com
  • [email protected]
हाम्रो टिम

संरक्षक
सूर्य राज राई
सम्पादक
किशोर ढुङगेल