काठमाडौं,भदाै २१ गते ।

नेपाल ट्रेड युनियन कांग्रेस राष्ट्रिय समितिको बैठक आज देखि काठमाडौंमा सुरु भएको छ। यो बैठकले संगठनको भावी रणनीति र कार्ययोजनालाई मूर्त रूप दिने गरि विभिन्न ९ वटा प्रमुख एजेन्डाहरूमा छलफल गर्ने भएको छ।

संगठनिक गतिविधि लाइ प्रभावकारी बनाउन संगठनको विस्तार र बलियो बनाउने योजनामा छलफल हुने बताइएको छ । बैठकमा बार्षिक बजेट ,सदस्यता शुल्क,ट्रेड युनियन कांग्रेससंग संबंधित कार्यबिधी निर्माण गर्ने र नेपाल ट्रेड युनियन कांग्रेसको परिषद् बैठकको मिति तय गर्ने समेत एजेन्डा रहेको राष्ट्रिय अध्यक्ष योगेन्द्र कुमार कुंवरले जानकारी दिनुभयो । बैठकमा उठेका अन्य विषयहरू पनि समेटिने र यो बैठकले श्रमिकहरूको हकहित र संगठनको सुदृढीकरणमा महत्त्वपूर्ण निर्णय गर्ने महासचिव अजय कुमार राइले जानकारी दिनुभएको छ ।