काठमाडौँ – जेठ ६ गते ।

गोकर्णेश्वर नगरपालिकाका नगर प्रवक्ता तथा वडा नं. ५ का वडा अध्यक्ष नारायण बहादुर सुबेदीले आज एक विशेष कार्यक्रमको आयोजना गर्दै प्रहरी वृत्त बौद्धका नव नियुक्त ट्राफिक प्रहरी प्रमुख, प्रहरी निरीक्षक शेखर जंग थापालाई स्वागत गर्नुभएको छ।

कार्यक्रममा वडा सदस्यहरू, वडा कार्यालयका कर्मचारी, र सामाजिक क्षेत्रमा सक्रिय विभिन्न सम्माननीय व्यक्तिहरूको उपस्थिति रहेको थियो।

कार्यक्रममा वडा अध्यक्ष सुबेदीले गोकर्णेश्वर वडा नं. ५ मा भइरहेको ट्राफिक गतिविधिबारे जानकारी गराउँदै सुधारका सम्भावनाहरूका बारेमा विस्तृत छलफल गर्नुभएको थियो। उहाँले ट्राफिक व्यवस्थापनलाई अझ प्रभावकारी बनाउने आवश्यकता औँल्याउँदै प्रहरी निरीक्षक थापासँग समन्वय गरी काम गर्न तयार रहेको बताउनुभयो।

कार्यक्रममा आफ्नो भनाइ राख्ने क्रममा प्रहरी निरीक्षक थापाले स्थानिय सहयोग र सहकार्यबाट ट्राफिक व्यवस्था सुदृढ बनाउने प्रतिबद्धता व्यक्त गर्नुभयो। ।

कार्यक्रममा गोकर्णेश्वर नगरपालिकाका यातायात तथा ट्राफिक व्यवस्थापन संयोजक शम्भुप्रसाद अधिकारीले नगरपालिकाको यातायात तथा ट्राफिक व्यवस्थापन सम्बन्धमा आफ्नो राय प्रस्तुत गर्नुभयो।