काठमाडौँ, पुस १९ गते।

ग्लोबल लेबर युनिभर्सिटी को GLU Asia, Australia & Oceania Alumni Network को सयोजक पदमा लोकेन्द्र पनेरु निर्वाचित हुनु भएको छ । उक्त पदकालागि नेपाल, भारत, पाकिस्तान, बाङ्लादेश र इन्डोनेशिया बाट उम्मेदवारी रहेकोमा नेपालकाे तर्फबाट उम्मेदवारी दिनुभएका पनेरु सर्वाधिक मत प्राप्त गरि निर्वाचित हुनु भएको हो ।

GLU का अफ्रिका, युरोप, ल्याटिन अमेरिका, नर्थ अमेरिका, क्यारेबियन र Asia, Australia & Oceania गरि ५ बटा क्षेत्रहरूका लागि गत वर्ष नोभेम्बरमा निर्वाचन सप्पन्न भएको थियो । GLU Asia, Australia & Oceania का लागि संयोजक निर्वाचित पनेरु ट्रेड युनियनमा लामो समयदेखि क्रियाशील हुनुहुन्छ । हाल वहाँ नेपाल टेलिकम वर्कर्स युनियन (NTCWU)को महासचिव पदको जिम्मेवारीमा रहनु भएको छ ।

दुई जनावरी २०२५ मा काठमाडौमा सप्पन्न एक समारोह बिच वहाँलाई आगामी कार्यकालका लागि जिम्मेवारी हस्तान्तरण गरिएको थियो। यस अघि GLU Asia, Australia & Oceania Alumni नेट्वोर्कका लागि संयोजक रहनु भएका श्री तिलक जंग खडकाले जिम्मेवारी हस्तान्तरण गर्नु भएको हो ।

उक्त कार्यक्रममा UNI APRO का महासचिव श्री राजेन्द्र आचार्य , NTUC का रास्ट्रिय अध्यक्ष योगेन्द्र कुमार कुँवर , UNI नेपालका अध्यक्ष श्री शंकर लामिछाने, CLASS नेपालका अध्यक्ष लेख प्रसाद बुर्लाकोटी लगायत क्लास नेपालका पदाधिकारी, नेपाल स्थित GLU Alumni हरु एवं विशिष्ट व्यक्तिहरूको उपस्थिति रहेको थियो।