नमरायणगढ, कात्तिक २२ गते ।

नेपाली काँग्रेसका नेता डा. प्रकाशशरण महतले पार्टी बलियो नबनाई कार्यकर्ताको सुरक्षा नहुने बताउनुभएको छ । नेपाल पत्रकार महासघ चितवनका पूर्व अध्यक्ष महेन्द्र श्रेष्ठले आयोजना गर्नुभएको शुभकामना कार्यक्रममा उहाँले सो कुरा बताउनुभएको हो ।

नेता डा. महतले आफ्ना विचार र काम यथार्थको धरातलमा बसेर सार्वजनिक गर्दै जानुपर्ने धारणा राख्नुभयो । “पार्टीको मूल्य मान्यताभन्दा बाहिर नगई पार्टी भित्र एकता ल्याउन जरुरी छ”, उहाँले भन्नुभयो । ब्यक्तिगत, पक्ष विपक्ष र गुट उपगुट त्यागेर संगठन गर्न सवैलाई उहाँले अनुरोध गर्नुभयो ।

अब पार्टी भित्रका मत मतान्तर अन्त गरेर जानुपर्छ, उहाँले भन्नुभयो । नेता डा. महतले पत्रकार श्रेष्ठ र उहाँका बुबा बाबुराम श्रेष्ठले काँग्रेसका लागि गर्नुभएको योगदानको चर्चा गर्नुभयो । कार्यक्रममा वागमति प्रदेशका पूर्व मन्त्रीद्वय मिलन श्रेष्ठ, उत्तम जोशी लगायतले धारणा राख्नुभएको थियो ।