पुस २, काठमाडौ ।

नेपाल टेलिकमका संचालक समिति सदस्य शंकर लामिछाने आइतबारदेखि आमरण अनशन बस्नुभएको छ । लामिछाने कर्मचारीहरुको तर्फबाट निर्वाचित संचालक समिति सदस्य हुनुहुन्छ ।

लामिछानेले संचालक समितिमा आफुले उठाएका संस्थाको वृद्धि विकास र कर्मचारीको मुद्दाहरूमा संचालक समिति गम्भीर नभएको ठहर गर्दै आमरण अनशनमा बस्नु परेको बताउनुभएको छ ।

सदस्य लामिछानेले संचालक समितिको अध्यक्षलाई दिनुभएको ज्ञापनपत्रमा संस्थाको समृद्धि , कर्मचारीको वृद्धि विकास, उत्पादकत्व वृद्धि , सेवाग्राहीका सरोकारका विषय तथा श्रम सरोकार र सुशासनका विषयहरुमा कर्मचारी प्रतिनिधिका रुपमा पटकपटक जिम्मेवार रुपमा प्रस्तुत रहदा पनि संचालक समितिबाट ठोस निर्णय र कार्यान्वयन हुने अवस्था नदेखिएकाले अनशन बस्नुपरेको उल्लेख गर्नुभएको छ ।

लामिछानेले आफू कर्मचारीहरुको प्रतिनिधि भएकै कारण अर्कै नजरले हेरेको आसय समेत व्यक्त गर्नुभएको छ ।