डडेल्धुरा, भदौ १२ गते ।

डडेल्धुराको दुर्गम क्षेत्र नवदुर्गा गाउँपालिका ५ को चौडमा जिप दुर्घटना हुँदा ज्यान गुमाउनु भएका चारै जनाको सनाखत भएको छ । दुर्घटनामा परि एकै वडाका चार जनाको मृत्यु हुनुकासाथै अन्य ६ जना घाइते भएका छन् ।

मृत्यु हुनेमा नवदुर्गा गाउँपालिका ५ का १८ वर्षीय शुरेस साउद, २३ वर्षीय शुरेस पार्की, ४० वर्षीय तारा अवस्थी र ७२ वर्षीय कलावती साउद रहेको जिल्ला प्रहरी कार्यालय डडेल्धुराले प्रेस विज्ञप्ति जारी गरी जानकारी दिएको छ ।

यसैगरि घाईते हुनेहरुमा वडा नं. ५ कै १८ वर्षीय शुसिला विक, ४४ वर्षीय प्रकाश विक, ४८ वर्षीय चन्द्र बहादुर साउद, ३५ वर्षीय राम बहादुर साउद, ४२ वर्षीय गणेश बहादुर साउद र वर्ष ४ की प्रतिका पार्की रहेका छन् ।

जिल्ला प्रहरी कार्यालय डडेल्धुराका ईन्सपेक्टर डम्बर विष्टका अनुसार बिहीबार बिहान करिब ८ बजे से १ज ७३८ नं. को जिप दुर्घटना भएको थियो । ठाँटा बजारबाट जिल्ला सदरमुकाम डडेल्धुरा आउँदै गरेको जिप कच्चि सडकबाट करिब ५०० मिटर तल खसेको छ ।