०१ आश्विन २०८२, बुधबार
alliance khabar
काठमाडौं, साउन २७ गते ।
विशाल बजार कम्पनी लिमिटेडले ५६ वर्ष पार गरी ५७ वर्षमा प्रवेश गरेको अवसरमा मङ्गलबार मानव सेवा आश्रममा आश्रितका लागि खाद्यान्न वितरण गरेको छ ।
कम्पनीले सामाजिक उत्तरदायित्वलाई बहन गर्ने उद्देश्यले मानव सेवा आश्रम सामा खुसीमा विभिन्न खाद्यान्न सामग्रीहरू वितरण गरेको जानकारी दिएको छ ।
खाद्यान्न वितरणका लागि कम्पनीका प्रबन्ध सञ्चालक हिक्मतबहादुर भण्डारी, प्रशासन शाखाका प्रमुख निमानकर्मी देवेन्द्र वीर जोशी, राजकुमार केसी लगायतका कर्मचारीहरू सहभागी हुनुभयो ।
यसअघि कम्पनीले बजार क्षेत्र तथा बजार वरपरका क्षेत्रहरुमा सरसफाई गरेको थियो ।
सफाइ कार्यक्रममा महानगरीय प्रहरी जनसेवा ट्राफिक प्रहरी जनसेवा विशाल बजार व्यापार सङ्घ, लायन्स क्लब अफ काठमाडौँ, लियो क्लब अफ काठमाडौँ, कम्पनीका सम्पूर्ण कर्मचारी सुरक्षा गार्ड तथा पूर्व कर्मचारीहरू संलग्न भएको जानकारी कम्पनीले दिएको छ ।
१.
२.
३.
