११ आषाढ २०८२, बुधबार
alliance khabar
मकवानपुर, असार ११ गते ।
त्रिभुवन राजपथको मकवानपुरतर्फ सवारी आवागमन दुई दिनका लागि बन्द गरिने भएको छ । त्रिभुवन राजपथअन्तर्गत मकवानपुरको लामिडाँडा–सिमभञ्ज्याङ्ग सडक खण्डमा शुक्रबार र शनिबार सवारी आवागमन बन्द हुने भएको हो ।
सडक डिभिजन हेटौँडा, मकवानपुरले त्रिभुवन राजपथअन्तर्गत लामिडाँडा– सिमभञ्ज्याङ्ग सडक खण्ड मकवानपुरको रानी भञ्ज्याङ्ग मोडमा सडक मर्मत तथा ह्युम पाइप विछ्याउने कार्य गरिने भएकाले सवारी आवागमन बन्द गरिएको मकवानपुरका सहायक प्रमुख जिल्ला अधिकारी राजेन्द्र प्रसाद कंडेलले जानकारी दिनुभयो । उहाँका अनुसार शुक्रबार र शनिबार दुई दिन दिउँसो १२ देखि ४ बजेसम्म उक्त सडक खण्डमा सवारी आवागमन बन्द हुने छ ।
१.
२.
३.
